एपको परिचय
यो एप नागरिक आरोग्य कार्यक्रम अन्तर्गत आयुर्वेद तथा वैकल्पिक चिकित्सा विभागले सञ्चालन गरेको हो। जो कोहीले दर्ता नगरी स्वस्थ जीवनशैली स्व-मूल्याङ्कन (SJS) गर्न, आयुर्वेदसम्बन्धी छानिएका जानकारी पढ्न र नजिकको आयुर्वेद स्वास्थ्य संस्था खोज्न सक्नुहुन्छ। दर्ता भएका नागरिक आरोग्य चौतारी सदस्य बन्नुहुन्छ, आफ्नो मूल्याङ्कनको इतिहास राख्न सक्नुहुन्छ र आफ्नो क्षेत्रको नागरिक आरोग्य समूहमा आबद्ध हुन अनुरोध गर्न सक्नुहुन्छ।
दूरदृष्टि
प्रमाणमा आधारित आयुर्वेदिक ज्ञान र सजिलो डिजिटल माध्यममार्फत नागरिकलाई आफ्नो स्वास्थ्यको जिम्मेवारी लिन सक्षम बनाउने।
उद्देश्यहरू
- दर्ता नगरी जो कोहीले सजिलै गर्न सक्ने स्व-मूल्याङ्कन उपलब्ध गराउने।
- आयुर्वेदिक आहार र जीवनशैलीसम्बन्धी व्यावहारिक जानकारी जनसमक्ष पुर्याउने।
- नागरिकलाई नागरिक आरोग्य समूह र आयुर्वेद कार्यक्रममा आबद्ध हुन सहयोग गर्ने।
- आरोग्य चौतारीमार्फत समुदायस्तरमा आयुर्वेदिक अभ्यास प्रवर्द्धन गर्ने।
- आयुर्वेद विभागका डिजिटल स्वास्थ्य पहलहरूलाई सहयोग गर्ने।
सदस्यता
आरोग्य चौतारी सदस्य
दर्ता भएका सबै नागरिक। दर्ता गर्नासाथ निःशुल्क सदस्यता; तपाईंका मूल्याङ्कन नतिजा सुरक्षित रहन्छन्।
नागरिक आरोग्य समूह सदस्य
आफ्नो विवरण अद्यावधिक गरी आफ्नो CWP इकाइका फोकल पर्सनबाट प्रमाणित भएका चौतारी सदस्य।